Mizoram sorkarin tourist lodge 11 mimal a enkawltir

Tourism department hnuai­ah tun dinhmunah tourist lodge 59 a awm mek a, heng zinga 17 chu mimal enkawl tir an ni. Mimalte hi kum 10-15 chhung tourist lodge hi enkawl tir an ni a, a hmun a zirin sorkara an sum thehluh tur chu bituk a ni.

Tourism department aṭanga thudawn danin, mimalin an enkawl tourist lodge-te hi major work chu department tih tur niin, minor work thawhna senso chu a enkawltute tum tur a ni thung.

Department chhungah staff indaihlohna a nasat thu sawiin Tourism dept. chuan, "Hmun hrang hranga tourist lodge enkawl tura post create hi thil harsa tak a ni a, heimi avang hian state dangten management conduct a tih dan ngun taka zirchian a nih bakah, ṭhalai hospitality lama thiamna neite tan eizawnna ṭha tak a nih beiseiin mimal kuta hlan a ni," a ti.