KHAWTHLIR
Zanriah eipui
NEDP hnuaia Rajasthan leh New Delhi tlawha zin mek Mizoram Journalist Association (MJA) member-te leh IPR dept. officer te chu nizan khan Rajya Sabha MP Ronald Sapa Tlau-in Delhi-a a quarter-ah zanriah a buatsaih sak a, thil pawimawh hrang hrang an sawiho nghal a ni.
Exhibition hawng
Lalṭanpuia'n a ṭum sarihna atana Solo Painting Exhibition a buatsaih chu nimin khan Aizawl Art Gallery-ah IPR director Lalnithangi'n a hawng. Exhibition hi 'Happy Childhood' tih thupui hmanga buatsaih a ni a, November 25 thleng a awh ang.
Hospital report
Aizawl Civil Hospital-ah October, 2017 chhung khan mi 34,781 an inentir a, mi 1253 admit niin, naupiang 361 leh nunna chan 64 an awm. Damlo inentir zinga 212 chu state pawna inenkawl tura refer an ni.
Tuirial kawng
Zemabawk to Tuirial kawng siamna atan Mizoram PWD chuan VRS construction hnenah ni 21.12.2016 khan work order a pe a, hnathawh zawh hun tura bituk chu ni 5.1.2018 a ni. Zemabawk - Tuirial kawng siamna atan hian cheng nuai 1966.39 ruahman a ni.
MZU-ah workshop
Ni ruk chhung awh tur MZU-a buatsaih 'Research Training Workshop on Understanding Human Disease and Improving Human Health using Genomic Driven Approaches' chu nimin khan MZU vice chancellor prof. KRS Sambasiva Rao-in a hawng. Workshop-ah hian hmarchhak hmun hrang hrang aṭangin assistant professor, scientist, Ph. D scholars leh researcher-te an tel.