Mizoram sorkar hnuaia hnathawkte Hna thawk loin pisa an kai dawn

Federation of Mizo­ram Government Emplo­yees & Workers (FMGEW) chuan, Mizoram sorkar hnuaia hnathawk zawng zawngte 7th Pay anga hlawh lak phutna atan vawiin leh naktuk hian pisa, sikul leh college kal thoa hna thawk lo turin a hriattir.

Sorkar hnathawk hna thawk lo tura hriattir hian emergency service i.e Fire, Police, Jail, Hospi­tal bakah tui leh êng buaipuitute a huam lo a, hei hi mipui hmakhua an ngaih vang niin FMGEW chuan an tarlang. Sorkar hnathawkte chu badge dum bel tura tih an ni bawk.Duty turin group 8 siam a ni a, heng mite hian chan chin insemin, hriattirna hian zawm a hlawh leh hlawh lo an vil zui dawn a ni.

Mizoram sorkar hna­thawkte hian 7th Pay anga hlawh lak phut hian Nov. 9-10 khan badge dum belin pisa an lo kai tawh a ni.