Lungleiah faina inelna atana hmalak dan tur sawiho

Nimin khan Lunglei addl. DC Benjamin Lalzama hoin a pisa-ah khawpui fai inelna tur, Swachh Survekshan 2018 atana hmalak dan tur sawiho a ni.

Meeting-ah hian DUDO Andrew Lalhruaia chuan India ram khawpuiin faina lamah hmasawnna kawng a zawh mek zel tih sawiin, "Chumi kal zelah chuan Swachh Survekshan 2018 neih a ni dawn a ni. Swachh Survekshan 2018 hi India ram khawpui 4041 te faina lama inelna tur a ni dawn a, ranking pawh siam a ni leh dawn a ni. Mizoram state chhung bikah census town 23 a awm mek te pawh he inelnaah hian an vaiin an tel dawn a, he inelnaah hian zawhna chi hrang hrang chhan tur 500 chuang a awm a ni," a ti.

Meeting ah hian VC, YMA, MHIP, MUP, Clean Lunglei, VC leh he hmalakna tura sorkar department pawimawhte an kalkhawm a, hmalak dan tur hrang hrang an sawiho a ni. Swachh Survekshan, 2018 chungchang hi veng tinah mipuite hnenah kan inhrilhhriat a, kan hmalakna te pawh mitinin an hriat a, mitin te faina kawngah hma kan lak ṭheuh theihna turin Public Announcement neih nise tih a ni a, sikul faina kawnga hmala tu tur sikul tinah School Swachh Committee din nise tih a ni bawk.