MZP-in chawimawina inkhawm an buatsaih

MZP chuan nimin khan Aizawl Press Club-ah MZP hruaitu hlui, minister of state KS Thanga leh Under-17 World Cup player Lalengmawiate chawimawina hun an buatsaih.

Chawimawi inkhawm hi MZP vice president Vanlaltana'n kaihruaiin, chawimawina dawngtu KS Thanga chuan hnam anga kan lansarh a, mawi taka kan par chhuahna tur chuan discipline kan zawm a ngai tih sawiin, "Ram leh hnam humhalhna ṭha ber chu zirnaa hmasawn a ni. Zofate zingah hna sang leh lian enkawl tura IAS tling kan nei mumal tawh lo hle a, Zofate kan ṭhangharh lo a nih chuan engtik niah emaw chuan Zoram hian hun harsa kan la tawk ang," a ti.

Thusawitu dang MZP president L Ramdinliana Renthlei chuan chawimawi tur dik leh ngaihsan tur dik hriat a pawimawh thu sawiin, "Zirlai tiṭha te, Mizo tihmingṭha tute chawimawi hi kan tih tur a ni a, heng mite hi kan ngaisang tur a ni. Lalengmawia World Cup player hi MZP chuan kan lawmpui hle a, a hming hi Mizo football history ah a dai tawh ngai dawn lo a ni," a ti.

MZP hian minister of state KS Thanga leh Lalengmawia hi chawimawina thuziak leh thangchhuah diar an hlan a ni.