Zikhlum vailiam

MADC CEM N Zakhai chuan nimin khan No-aotlah-III khuaa NEDP beneficiaries-te tharchhuah off-season zikhlum chu Siaha district pawn lama zuar turin a vai liam. No-aotlah-III (10KM) khua hi Strawberry thar tam avanga Mizoram pumpuia hriat hlawh khua kha an ni ṭhin a, kuminah erawh a hun loah ruahtui a tlak tam lutuk avang leh sik leh sa inthlak danglam nasa avangin strawberry chu verticilium sp.fungus leh white scrub ten an bei nasa a, an strawberry chin 75% vel lai chu a tâm a ni. Sorkar chuan strawberry chingtute harsatna chu hriain, NEDP hnuai aṭangin an strawberry chinna hmunah zikhlum (off-season cabbage) chinna turin ruahhmanna siampuiin chhungkaw 22 hnenah tanpuina a pe ta a ni. Zikhlum chi hi mi pakhat hnenah a tahtawlin 200gms zela pein, tunah hian an pek hmasak ho chu seng ṭan tawhin, February, 2018 vel thlenga seng tur a awm an beisei a ni.