Contract hnathawhah kan danglam bikna a lang tur a ni - Vanlalzawma

MNF vice president Vanlalzawma chuan, MNF party chu Mizoram tana rammu tawh leh martar thisenin a chawi nun a nih avangin political party dangte lakah an danglam bik nia sawiin, contract hna-thawhah an danglam bikna a lang tur a nih thu a sawi.

Vanlalzawma hian nimin khan MNF, Serlui North Block-in Vairengtea political training an buatsaihah thu sawiin, "MNF hi party dangte nen kan inang lo a, kan danglam bik. MNF chu ram leh hnam tana rammu a, martarte thisena chawi nun, Mizo hnam lungphûma innghat kan ni a, kan mi hmasate'n he hnam tan fa lú hlohin mahni inphatin hrehawm tam tak an lo paltlang tawh," a ti.

MNF Vice President chuan, "Kan contract hnathawhahte kan danglam bikna a lang tur a ni a, party dangte aia kan danglam bikna hi mite'n an hmu tur a ni," a ti a; ramria MNF sorkar hmalaknate fakawm a tih thu leh huaisenthlak a tih thu a sawi.