MPYCC-in Sihphir PACS an tlawh

Mizoram Pradesh Youth Congress Committee (MPYCC) hruaitute chuan nimin khan Sihphir Venghlun Multipurpose Cooperative Society Ltd. hnuaia din Primary Agriculture Credit Society (PACS) an tlawh a, PACS hruaituten lo dawngsawngin, PACS kalphung an zirho.

MPYCC president Dr Lalmalsawma Nghaka chuan, Loneitu, ni tin eichawp zawng leh bul ṭan thar tumte tana loan lak harsat em em laia Sihphir Venghlunah PACS-in pung tlem zawka loan a mamawhtute tana an pe chhuak hi a lawmawm tak zet," a ti a; Congress chuan an party president Lalsawta hoin self help group, cooperative society leh PACS kaltlangin mamawhtute tan theihtawp chhuaha ṭangte puih an tum thu a sawi.

Sihphir Venghlun PACS hi May 21, 2022-ah din a ni a, member 208 awmin, account holder 281 an ni a, cheng nuai 60 vel deposit an nei. Tun dinhmunah Mizoramah PACS 34 din a ni tawh bawk.