Covid-19 vei enkawl lai 15 an awm

November 15, Thawhlehni khan Mizoramah Covid-19 vei mi paruk hmuh chhuah a ni. Nimin khan hripui vei dam tawh mi pali an chhuak a, Covid-19 positive enkawl lai mi 15 an awm.

IDSP aṭanga thu dawn danin, Thawhlehnia Covid-19 vei hmuh chhuahte chu Aizawl district-a mi pali leh Saitual district-a mi pahnih an ni a, swab sample 99 endik niin, positivity rate 6.06% a ni.

Mizoramah swab sample 19,90,326 endik tawh niin, Covid-19 vei 2,38,922 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,181 (99.69%) chhuahtir an ni tawh a, mi 726 (0.30%) thi tawhin, enkawl mek mi 15 (0.01%) an awm.

Nimin tlai dinhmun angin, Covid-19 positive Aizawl district-ah mi 10, Lunglei district-ah mi pathum leh Saitual district-ah mi pahnih an awm mek a; district dang pariatah an awm tawh rih lo a ni.