Gas tihchingpen bûr 60 man

Central YMA hnuai­a Kumpuan Committee chuan Thawhlehni zan khan Sihphir dáiah eirawng­bawlna gas khawih chinpen bûr 60 an man a, he thila inhnawmhnawih mi pahnih an man bawk.

YMA Kumpuan duty-te hian an thu dawn bawhzuiin Thawhlehni zan khan Kawnpui aṭanga Thenzawl pana tlân gas phur Xenon pick-up MZ-05 9607 chu Sihphir dáiah en enfiah a; gas tihchinpen sa an phurh bûr 60 chu an man.

Motor khalhtu Lalhmangaiha (30) s/o Lal­chullova, Zanlawn leh a thurualpui Lalhruai­tluanga (32) s/o R Kap­chhunga, Zanlawn nia insawite pawh an man a; ti tawh lo tura an intiam hnuah an motor nen an chhuah leh a ni.