Oil zawngtu tur tifel vat turin ngen

Commerce & Industries minister H Rohluna chuan November 21, Thawhlehni tlai khan Hydrocarbons director general Atanu Chakraborty chu Noida-a a pisaah a hmu a, Mizoram chhim lam block-a gas leh oil zawngtu tur company tihfel thuai turin a ngen.

H Rohluna chuan, Mizoram sorkarin clearance ṭul zawng zawng a tihfel hnu kum khat leh a chanveah pawh Mizoram chhim lama gas leh oil zawngtu tur tihfel a la ni lo chu pawi a tih thu Atanu Chakraborty chu a hrilh a; rang taka hma laksak turin a ngen a ni.

Atanu chuan, policy thar, 'Hydrocarbon Exploration Licensing Policy' hnuaia Open Acreage Licensing Programme hmangin hmalak nghal a nih tur thu minister H Rohluna chu a lo hrilh.