Police hnathawk ṭhate chawimawi

Mizoram Police Headquarters GS Arya Mess-ah nimin khan police hnathawk ṭha chawimawina hun hman a ni a; DGP Devash Chandra Srivastava-in mi 39 hnenah DGP Commendation Disc leh Certificate 2021 a hlan. DGP chuan, senior police officer-te chu an nau te hnathawh ṭhat tarlansak dan thiam turin a chah.

Devash Chandra Srivastava chuan, police hnathawk ṭha chawimawina hun hian police mi leh sa, Mizoram hmun hrang hranga rim taka hna thawkte PHQ-in a hriatpui a, a ngaihlu a ni tih lantirna a nih thu a sawi a, "DGP Commendation Disc hi police hnathawk ṭha, rank hniam leh sang, junior leh senior zawng zawng thliar loa pek ṭhin a ni a, service chhunga vawi khat chauh dawn theih a ni," a ti.

Hnathawk ṭhate chu hriatsak zel a pawimawh thu sawiin DGP chuan, "Police-te'n mipui rawng kan bawlnaah theihtawp kan chhuah ṭheuh a ngai a, senior officer-te pawhin an naute hnathawh ṭhat tarlansak dan an thiam tur a ni," a ti a, hna ṭha tak leh tlin taka thawka police uniform pawh chhuang taka haa tizahawm thiam turin police-te a chah.

DGP Com-mendation Disc leh Certificate 2022 hi police hnathawk ṭha mi 39 hnenah hlan a ni a; IGP (Hqrs) John Neihlaia, DIGP (Hqrs) Lalbiakthanga Khiangte bakah, Senior Police Officer, SP chin chunglam Aizawla awmte an tel a ni.