Lungdaiah Cultural Meet hman a ni

Lungdai khua chuan nimin khan an YMA Hall-ah Cultural Meet 2022 an hmang a, bialtu MLA K Laldawngliana'n a hmanpui.

K Laldawngliana chuan, Lungdai Cultural Meet 2022-a hun hmangtute chu kawng khat tala hmasawnna nei ngei tuin duhsakna a hlan a, "Mizote hi hnam vannei tak kan ni a, kan pi leh pute hunah Zawlbuk kan nei a, Zawlbukah tlawmngaihna te, aia upa zahnate leh kut themthiamna leh thil dang dang zirna hmun ṭha tak kan nei. India in zalenna a neih hnuaah Zawlbuk tihbo ni mah se, YMA kan nei a, kan hnam rohlu kan neihte zingah YMA hi a ropui ber zinga mi a ni," a ti a, YMA in tlawmngaihna leh aia upa zahnate a vawng nung reng chu ropui a tih thu a sawi.

Cultural Meet-ah hian Art & Culture director Hmingthanzuala chu khualzahawm a ni a; hnam lam leh zai chi hrang hrang entir a ni.