Covid-19 vei enkawl lai 18 an awm

November 16, Nilaini khan Mizoramah Covid-19 vei mi paruk hmuh chhuah a ni. Nimin khan hripui vei dam tawh mi pathum an chhuak a, Covid-19 positive enkawl lai mi 18 an awm.

IDSP aṭanga thu dawn danin, Nilainia Covid-19 vei hmuh chhuahte chu Aizawl district-a mi pahnih leh Mamit district-a mi pali an ni a, swab sample 166 endik niin, positivity rate 5.17% a ni.

Mizoramah swab sample 19,90,442 endik tawh niin, Covid-19 vei 2,38,928 hmuh chhuah a ni tawh a, a pumpuia positivity rate 12% a ni. Nimin tlai dar 2 thlengin mi 2,38,184 (99.69%) chhuahtir an ni tawh a, mi 726 (0.30%) thi tawhin, enkawl mek mi 18 (0.01%) an awm.

Nimin tlai dinhmun angin, Covid-19 positive Aizawl district-ah mi 10, Mamit district-ah mi pali, Lunglei leh Saitual district-ah mi pahnih ve ve an awm a; district dang pasarihah an awm tawh rih lo a ni.