IAS officer-ten NLUP zir chiang

Indian Administrative Service (IAS) 2016 batch, AGMUT cadre leh India hmarchhak state cadre-a awm officer 21-te chuan Mizoram an rawn tlawh a; nimin khan NLUP Implementing Board (NIB) Conference Hall-ah NLUP kalphung leh hnathawh dante an zir.

IAS officer-te tana NLUP zirhona hi NIB secretary James Lalrinchhana'n a kaihruai a; NIB vice chairman PL Thanga'n NLUP kalphung leh nihphung­te sawifiahin, NLUP thil tum leh ruahmanna hmangin miretheite din­hmun chawikan tum a nih dan leh ram leilung tichhe loa hmasawnna kalpui tum dante a sawi.

IAS 2016 batch officer-te hi November 22 khan Aizawlah an rawn thleng a, Mizoram sorkar kalphungte an zir chiang a; vawiinah Mizoram an chhuahsan leh dawn a ni.