Sorkar hnathawkte'n lungawi lohna An lantir chhunzawm zel
Mizoram sorkar hnathawk pawl hrang hrang intêl khawmna, Federation of Mizoram Government Employees & Workers (FMGEW)-in ruahmanna a siam angin, Mizoram sorkar hnathawkte chuan nimin khan pen/tool down strike an chhunzawm a, hna an thawk lo.
FMGEW hian sorkar laipuia 7th. Pay Commission rawt anga hlawh pe ve turin Mizoram sorkar an phût a; an thil phûtah hian sorkar nawr nan Nilaini leh nimin khan an hnathawhna hmuna kal chungin hna an thawk lo a, bagde dum an bel bawk.
FMGEW pen/tool down strike hi sorkar hnathawkte'n an zâwm ṭha hlea hriat a ni a; emergency service leh tui semte erawh chu dan pangngaiin hna an thawk thung.
FMGEW hian December 2017 chhung ngeia 7th. Pay anga hlawh pe turin Mizoram sorkar an phût a; an thil phût nawr nan hian pen/tool down strike an kalpui hma hian November 9-10 khan badge dum bel chungin pisa an lo kai tawh a ni.