International Chin Christian Youth Confe­rence ṭan a ni

Nizan khan Lawng­tlaiah International Chin Christian Youth Conference (ICCYC) hmasa ber ṭan a ni a, khawvel ram hrang hrang aṭangin palai an tel a, November 26-ah a ṭiak ang.

ICCYC hi Lairam Isua Krista Baptist Kohhran (LIKBK) Assembly-in thlengin, Lawngtlai AOC Venga khelmualah pandal sak a ni a; thupui chu 'Inpumkhatna' (Unity) tih a ni.

Kum 2014 khan Lawngtlaiah International Lai Christian Leaders Meet neih a ni a, chutah chuan International Chin Christian Fellowship din an rel angin din a ni a, chu pawl chu a hnuah International Chin Literature Society tia thlak a ni. Kum 2015-ah Lawng­tlaiah International Chin Christian Youth Conference neih an rel bawk a; mahse, kum 2015 fûr laiin leimin vangin Hakha-in chhiatna nasa tak an tawrh avangin an nei thei lo a, kuminah an nei thei ta a ni.

Conference-ah hian ram dang aṭanga kal zing­ah Myanmar aṭanga kal an tam ber a, Bangladesh, USA, Australia leh Europe ram ṭhenkhat aṭangin palai eng emaw zat an kal bawk.