Israel-in population census buatsaihtu man

Israel police-te chuan East Jerusalem-a population census buatsaihtu, Palestinian mi eng emaw zat an man. An mi man zingah Palestinian President Mahmoud Abbas-a party, Fatah member te pawh an tel.

Palestinian mite hi dan lo thiltia Palestinian Authority thawhpui puha man an ni. Isral police-te chuan thuchhuah siamin, mi 17 an man thu leh, heng mite hian Interim Agreement an lo siam tawh chu an palzut niin a sawi a, an thiltih dan hi kar eng emaw zat enthlak an lo ni tawh a ni, a ti.

Kum 1995 khan Israel sorkar leh Palestine Liberation Organisation (PLO) chuan West Bank-a Area A, B leh C ah Interim Agreement, Oslo II Accord tia hriat lar chu an lo siam tawh a ni. He inremna hnuaiah hian PA chu Area A leh B hnuaiah thuneihna chin bithliah sak a ni.

Palestinian Central Bureau of Statistic chuan population census hi a buatsaih mek a, hei hi East Jerusalem-ah pawh an kalpui tel niin Israel police-te chuan an sawi. Mahse Palestinian Central Bureau of Statistic thupuangtu chuan thudik lo niin a sawi thung.