Quarry chim vangin ABCI lakah Police-in thubuai an ziak lut

November 14, 2022-a Hnahthial leh Lunglei inkara Maudarh khaw bula quarry chim chung­changah Hnahthial police-te chuan suo moto hmangin thubuai (first infor­mation report) an ziak lut.

Vanglaini thu dawn danin, Hnahthial police-te hian kawng siam hna thawktu company ABCI Infrastructures lakah FIR an ziak lut a ni. ABCI hian quarry chim taah hian lung an la ṭhin a, quarry chimin a delhte pawh an mi chhawrte vek an ni.

Hetih lai hian, quarry chimin a delh ruang an hmuh tawh mi 11-te chuan an chenna in/khua an thleng vek tawh a; he thu ziah lai thleng hian ruang hmuh loh pakhat la awmin, ngawrh taka zawn mek a ni a, a safety helmet leh jacket chu hmuh a ni tawh.

Tarlan tawh angin, National Green Tribunal pawhin, Maudarh khaw bula quarry chim chung­changah hian suo moto hmangin thubuai an lo ziak lut tawh bawk.