Save Tuichhuahen Hnatlang buatsaih

UDPA leh PHE depart­ment-te leh, YMA Sub-Headquarters, Kolasib chuan nimin khan Save Tuichhuahen Hnatlang an buatsaih a, district bawrhsap John LT Sanga'n DC pisa kawt aṭangin hnatlang turte a vailiam.

John LT Sanga chuan, hmasawn turin hrisel a pawimawh thu sawiin, "Hrisel tur chuan ei leh in thianghlim, taksa ma­mawh ang tâwk kan neih a pawimawh a, chu'ng zinga pawimawh ber chu tui thianghlim a ni. Kolasib khawpui tui lâkna ber Tuichhuahen lui thianghlim leh thianghlim loh hian Kolasib mipui hriselna a nghawng a ni," a ti.

Mahni tui tlan tithiang­hlim tura hmalak chu mi tin mawhphurhna a nih thu sawiin Bawrhsap chuan, sorkar leh YMA-te ṭangkawpin Save Tuichhuahen Hnatlang an buatsaih chu faina lama mi dangte kai harhtu leh hmasawnna thlentu ni se a duh thu a sawi.

Hnatlangah hian Kolasib-a YMA branch 22 bakah, CZS Higher Secondary School NSS leh NCC cadet-te an tel a, Kolasib khaw chhunga lui hrang hrang an tifai a ni.