Minister-in damdawi-in sak mek a tlawh

Minister of state K Lalrinliana chuan nimin khan khum 100 awm theihna tur Kolasib District Hospital sak mek a tlawh. Minister chuan, hmanraw ṭha lo hman a nih loh nan hna thawktute ṭha taka vilpui turin Chief Medical Officer, PWD hotute leh thuthar thehdarhtute a chah.

Kolasib bialtu MLA K Lalrinliana chuan, District Hospital thar sak mekah hmanraw ṭha tâwk lo a awm a nih chuan thawktute dim an nih loh tur thu a sawi a, "Fimkhur tak leh uluk takin District Hospital satu tur thlan a nih angin, a sak dan tur duan sa ang ngeia an sak chu an mawhphurhna lian ber a ni," a ti.

Kolasib District Hospital sa tur hian VRC Constructions (I) Pvt Ltd, New Delhi thlan a ni a; a sakna atan NESIDS aṭangin cheng nuai 1859.87 hmuh niin, kum hnih chhunga sak zawh tura ruahman a ni.