Mobile signal ṭhat lohna khua 51-ah connectivity tiṭha turin hma la mek

State Broadband Committee (SBC) chu November 16, 2022 khan an chairman Dr Renu Sharma, chief secretary hoin CS conference hall-ah an ṭhukhawm a; Mizorama mobile signal ṭhat lohna khua 61 zinga 51-ah mobile connectivity ṭha a awm theih nan hmalak mek a nih thu tarlan a ni.

Ṭhutkhawmah hian Mizoram thingtlang khuaa mobile connectivity ṭha zawk pek a nih theih nana 4G Saturation Project hmalak mek dan sawiho a ni. 4G Saturation Project hmang hian mobile signal awm lohna khua zawng zawngah 4G pek vek tum a ni a, mobile signal ṭhat lohna khua 61 la awm zinga 51-ah mobile connectivity ṭha a awm theih nan hmalak mek a ni.

Mizoramah 5G hman vek a nih theih nan 5G rollout atana hmalakna thlirho a ni a; 5G State Rollout Committee chu Chief Secretary kaihhruaina hnuaiah din a ni tawh. Hemi atan hian deparment pali - ICT, UDPA, PE, PWD bakah, AMC leh a kaihhnawih department dangte dan leh hrai neih sa ṭhenkhat siamrem tura hmalak tum a ni.