October 2022-ah zu zuar mi 380 an man

Excise & Narcotics department (END) leh Mizoram Police chuan October 2022 chhung khan rakzu litre 6,510.95 leh zu zuar mi 380 an man.

Sorkar thuchhuah tarlan danin, END leh Police-te chuan kumin October thla chhung khan rakzu litre 6,510.95 leh zu zuar mi 380 an man bakah, zu bilh lai ṭín 11,520, zu siamna dawidim kg. 4, zu siamna bungbél 56 leh zu rûi mi 86 an man a ni. Sapzu ûm puitling (ml. 750) 2,536, a chanve ûm (ml. 375) 29 leh pava khat (ml. 180) ûm sarih an man bawk.

October thla chhung vêkin beer ûm/búr (ml. 650) 18, (ml. 500) 1,613 leh ram dang aṭanga lak luh beer ûm/ búr 2,907 an man a; ruihhlo kaihhnawihah lirthei 13 an man bawk a ni.