Governor-in lemziak lawmman a hlân

Mizoram State Council for Child Welfare (MSCCW) chuan November 19, Inrinni khan khan Mission Venga PC Girls School-ah Painting Competition an buatsaih lawmman semna an buatsaih a, Governor Dr Hari Babu Kambhampati-a'n hmanpuiin, lawmmante a hlân.

Governor chuan, kawng hrang hranga harsatna tâwk naupangte tana MSCCW hmalakna fakawm a tih thu sawiin, "India rama naupang huaisen chawimawina, Mizoram aiawha lang tur hming MSCCW-in an rawt aṭangin naupang 39 laiin chawimawina an dawng thei hi a ropui a, in hnathawh hi ṭha takin chhunzawm zel ang che u," a ti.

Naupangte chu an nunah thil tam tak an la hmachhawn dawn avangin finna an neih a pawimawh thu sawiin Lartsap chuan, "Zirna ngai pawimawh ang che u. Kawng engkimah rilru zau tak pûin, hnam dang zia leh an nunphungte hriatsak ula, kan hnam ziaráng pawh mi dangte hnena pho chhuaha inzir tawn zel tur kan ni," a ti bawk.

Intihsiakah hian naupang 109 an tel a, vohbik naupangte pawh an tel a ni.