Champhaiah silai lem man

Champhaia police, Joint VC leh YMA-te chuan hâlpuah, hâlmawi leh a dangte khapna bawhzuiin November 19, Inrinni khan joint checking an nei a, silai lem, a mu kâp chhuak thei pasarih an man.

Joint checking-ah hian Champhai khawpuia dawr hrang hrang endik a ni a, dawr neitute chu khapna thupek ngai pawimawh turin an chah. Dawr endiktute chu an chhuah hmain bawrhsap James Lalrinchhana'n a vailiam a; Bawrhsap chuan, hâlpuah, hâlmawi leh silai lem a mu kâp chhuak theite khapna chu khauh taka kenkawh a nih dawn thu a sawi.