Jal Shakti Abhiyan hmalakna endik

Siaha district-a tui hnianghnâr nei tura beihpui thlakna, Jal Shakti Abhiyan (Catch the Rain) hnuaia hmalakna chu November 18, 2022 khan Ministry of Minority Affair director Moina Benarzi leh Central Water and Power Research Station Scientist 'C' MSR Naidu-te'n an endik a, Siaha district sorkar hotute nen Circuit House-ah an inkâwm.

Jal Shakti Abhiyan hi India sorkar laipuiin India rama tui harsat zualna district 256 a thlante hnena tui hnianghnâr zawk neih theihna tura beihpui thlakna a ni a; Mizoramah chuan Lawngtlai leh Siaha district-te chu JSA kalpuina tura thlan niin, Siaha district-ah chuan September 19, 2019 aṭangin kalpui a ni.