Agriculture Minister-in Nghasih zau a tlawh

Agriculture minister C Lalrinsanga chuan November 19, Inrinni khan Lunglei district-a Nghasih Zau a tlawh a, tihhmasawn dan tur a enfiah.

Nghasih Zauah hian leilet (WRC) hectare 15-a zauah chhungkaw 18-in leilet an nei a, chhungkaw 40 velin thlai huan an nei thung.

C Lalrinsanga chuan, Nghasih Zau chu Lunglei khawpui hnaiha thlai thar theihna hmun remchang awm chhun a nih thu sawiin, "Ngaih pawimawh a ṭul. A hmunhma thlirin hma thar lak theihna pawh a awm nualin a lang. A panna kawng ṭha tâwk lo hi ngaih pawimawh a ṭul," a ti.

PM Kusum kaltlanga solar water pump quota 200 an neih chu 1, 500-ah tih pun a nih thu sawiin Minister chuan, "NABARD aṭangin matching share tur tihfel theih kan inbeisei. PM Kusum hi tum anga a hlawhtling a nih chuan ṭhál-va-êk-chàrah pawh Nghasih Zauah tui pump theih dan a awm ka ring," a ti.