Tuimuk lui humhalh tlat an tum

YMA, Khawzawl Vengthar Branch chuan November 19, Inrinni khan Tuimuk din thar lehna hun an buatsaih a, Khawzawl bawrhsap CC Lalchhuangkima'n a hmanpui. Tuimuk din thar lehna pual hian Khawzawl Vengthar YMA chuan kum 2022-2025 chhung Tuimuk luia nungchate khauh taka humhalha venhim tlat an tum.

CC Lalchhuangkima chuan Khawzawl Vengthar YMA hmalakna chu mi dangte pawhin entawn se a duh thu a sawi a; Mizoram Fisheries Amendment Act 2022 angin, sangha fuan leh inthlah pun hun lai, October 10 aṭanga December 18 chhungin luia sangha man khap a nih thu a sawi bawk.

YMA, Khawzawl Vengthar Branch hian Tuimuk luiah sangha eng emaw zat an chhuah nghal a ni.