Ramrî & Aizawlah ralthuam man

Serchhipa hmunpui nei 8th Assam Rifles sipaite leh Champhaia Customs Preventive Force-te chuan nimin khan Mizoram leh Myan­mar inrìna bulah ralthuam an man a; Champhaia Customs department-in an hréng nghal.

Ralthuam an manna hmun hi Mizoram leh Myanmar inrìna, Farlui-Ṭiau báwr velah a ni a; India siam rifle pahnih, silai mu eng emaw zat, grenade leh walkie talkie set an man a ni.

Assam Rifles leh Mizoram Police-te chuan nimin khan Armed Veng South-ah mi pakhat hnen aṭangin .22 pistol pakhat leh a mu 30 an man a; pistol kawltu lakah Police-in thubuai an ziak lut a ni.