Aizawlah Union minister Ashwini Kumar

Sorkar laipuia En-vironment, Forest and Climate Change (EFCC) leh Consumer Affairs, Food & Public Distribution changtu minister of state Ashwini Kumar Choubey chu Mizorama zan hnih riak turin nimin khan Aizawlah a rawn thleng.

Ashwini Kumar Choubey hi Lengpui Airport-ah Mizoram FCSCA minister K Lalrinliana'n a lo hmuak a; nimin tlai khan BJP pisa a tlawh bakah, zanah Raj Bhavan-ah Governor nen an inkâwm.

Ruahman dan chuan, Union Minister hian vawiin chawhma lamah 2 Assam Rifles hmunah sipaia lak tharte hnena appointment letter hlanna inkhawm a hmanpui dawn a, chawhnuah Mizoram EFCC leh FCSCA department leh a kaihhnawih hotute nen an inkâwm ang a, tlaiah thuthar thehdarhtute a kâwm ang.

Naktuk chawhma lamah chief minister Zoramthanga nen CM Banglaah an inkawm ang a, chawhnuah Mizoram a chhuahsan dawn a ni.