Drug awareness campaign chhunzawm rêl

Aizawl District Narco Coordi­nation Centre (NCORD) Committee chu nimin khan Aizawl SP confe­rence hall-ah an chairperson Dr Lalhriatzuali, Aizawl DC hoin an ṭhu­khawm a; uar lehzuala drug awareness campaign chhunzawm an rél.

Ṭhutkhawmah hian member-te chuan, dan phal loh ruihhlo donaa an hmalaknate an tarlang a, hmalak chhunzawm zelna turte an rêl nghal. Zirna-in hrang hrangah uar lehzualin drugs awareness campaign chhunzawm ni se, hunbi mumal taka neih a nih theih nan district education officer-in ruahmanna lo siam se, an ti.

Ruihhlo chi hrang hrang man chungchangah chak lehzuala kal a nih theih nan Aizawl SP kaihhruainain enforcement agency hrang hrang - Police, Excise & Narcotics, drug controller, Assam Rifles, Border Security Force leh tlawmngai pawlte inràwnkhawmna neih an rêl a; a ṭul angin intelligent agency-te sàwm an rél bawk.

Ruihhlo ngaite enkawlna hmun hrang hrang tlawh chhunzawm an rel a, "Hunpui lo thleng tura boruak muanawm a awm theih nan ruihhlo hluarna hmunahte special drive neih ni se," an ti.