Quarry chimin a delh zawng zui zel

November 14, 2022 chawhnu dar 2:40 vela Hnahthial leh Lunglei inkar, Maudarh khaw bula ABCI Infrastructures-in lung an lakna quarry chimin a delh mi 12 zingah mi pakhat ruang hmuh a la ni lo a, zawn zui zel a ni.

Vanglaini thu dawn danin, ruang zawn mek chu Assam lam mi a ni a, a lukhum (safety helmet) leh jacket ni ngeia hriat hmuh a ni tawh. Ruang hi State Disaster Response Force, Police leh company lamin ngawrh takin an la zawng chhunzawm zel.

Hetih lai hian, ni sarih chhung ruang zawn a nih tawh avangin YMA-te chuan Mizo dan angin a náwlpuia ruang zawn chu November 20, Pathianni khan an chawlhsan thung.

Tarlan tawh ṭhin angin, quarry chim chung­changah hian Natio­nal Green Tribunal leh Hnah­thial police-te chuan suo moto hmangin thubuai an ziak lut a ni.