National Pharmacy Week hmang

Mizoram Pharmacists' Association chuan nimin khan Directorate of Hospi­tal and Medical Education conference room-ah National Pharmacy Week vawi 61-na an hmang a, Health minister Dr R Lalthangliana'n a hawng. 'Development of Pharmaceutical Sciences in Mizoram' tih thupui zirhona an buatsaih nghal bawk.

Health Minister chuan, pharmacist-te mawhphurhna a pawi­mawh zual zel tih sawiin, "Natna enkawlna atana damdawi lei tur dik leitir chungchangah te, mipui lo puitu leh mipui hriselna atana thui tak sûlsutu leh damdawi dik ei kawngah hlâwk taka thawktu an ni," a ti.

Dr R Lalthangliana chuan, damdawi chung­changah mipui an ṭhang­harh mek zel tih sawiin, "Damdawi nihphung, a hnathawh leh a nghawng te, ei dan tur dik mipui zirtir hi kan mawhphurhna pawimawh tak a ni," a ti a; damdawi hriatna lamah hma an sawn leh an inchhiar zau zel a ṭul thu a sawi.

National Pharmacy Week hawnnaah hian Health principal director Dr T Lalhmangaihi, Health Services joint director (Drug Controlling Authority) Lalsawma, Civil Hospital Aizawl leh RIPANS hotute an tel a ni.