Kolasib Saidanah health clinic hawng

Minister of state K Lalrinliana chuan nimin zing khan a bial chhung, Kolasib Saidana health clinic sak thar a hawng a; a bial chhungah health clinic dang 10 hawn belh leh tura hmalak mek a nih thu a sawi.

K Lalrinliana chuan, khawtlang hmasawnna tehfung pawimawh tak chu hriselna a nih thu sawiin, "Hriselna ṭha nei tur chuan nuin nau a pài aṭanga ṭha taka enkawl a pawimawh. Khawtlang hriselna tihhmasawn a nih theih nan Kolasib constituency chhungah health clinic 11 hawn thar a ni a, a dang 10 hawn leh tura hmalak mek a ni," a ti.

Kolasib district mipui leh district páwn lam tan pawha pan manhlâ tak ni turin khum 100 awm theihna tur District Hospital thar sak mek a nih thu sawiin Minister chuan, "MLA fund hmangin laparoscopy leh dialysis khawl bun a ni," a ti a; chu'ng hmalaknate chu khawtlang mipui hriselna tihhmasawnna tur a nih angin ṭangkai taka hmang turin mipui a chah.

Kolasib Saidanah hian in 196 awmin, mi 982 vel an chêng a, naupang kum khat hnuai lam 20 vel awm anga chhût a ni.