Cabinet-in Border Management Cell din remti ; Bangladesh Mizo ráltlânte tuamhlâwm an rél

Mizoram Council of Minister chuan, Home department hnuaiah Border Management Cell siam an remti a; Bang­ladesh-a Mizo hnahthlak, sahimna zawnga Mizo­rama tlan­chhiate tuam­hlâwm an rél bawk.

Council of Ministers hi nimin khan chief minister Zoramthanga hoin CMO Meeting Room-ah an ṭhukhawm a, sorkar department hrang hrang aṭanga thu pawimawh thlente an ngaihtuah a ni.

Cabinet meeting chuan, Home depart­ment hnuaiah ramri chungchang buaipuitu tur bik Border Management Cell siam an remti a, a ṭul anga post siam rawtna lut pawh a thuphungin an pawm. Police depart­ment-a constable 118 chu honorary promotion-in head constable-a kaisantir rawtna an pawm bawk.

Bangladesh ram chhunga Mizo hnahthlak­te'n harsatna an tawh chungchang leh sahimna zawnga Mizorama rawn râltlân, Parva khuaa awm mekte chungchang sawiho a ni a; an lainat thu sawiin, "A theih ang anga lo tuamhlawm zui zel ni se," an ti.

COUNCIL OF MINISTER ROREL DANGTE
* Power & Electricity department rawtna, Mizoram Energy Conservation Building Code Rules, 2022.
* Sinlung Hills Council chungchang rawtna hrang hrang - The members of the SHC (Disqualification on Ground of Defection) Rules, 2022; The SHC (Amendment) Bill, 2022 leh, The Mizoram (Election to SHC) (Amendment) Rules, 2022.
* LESDE department ruahmanna, Mizoram Code on Wages Rules, 2022.
* Art & Culture department rawtna, Mizoram Ancient Monuments and Archaeological Sites and Remains Bill, 2022 siamṭhatna (amendment).
* Law & Judicial department-in Lunglei District Court building sakna leh zauhna atana Commerce & Industries ram leh building pek rawtna.
* Land Revenue & Settlement department aṭanga lut, The Indian Stamp (Mizoram Amendment) Bill, 2022.
* UDPA department aṭanga lut The Mizoram Municipalties (Facilities to Mayor, Deputy Mayor, Chairman, Vice Chairman and Councillors) Rules, 2018 siamṭha tura rawtna.
* The Draft Mizoram Prohibition of Employment as Manual Scavengers and their Rehabilitation Rules, 2022.
* UDPA aṭanga lut Proposal for transfer of functions to Lunglei Municipal Council.
* June 10, 2019-a Council of Minister ṭhukhawmin Champhai CHANEM building Law & Judicial department kuta a dah tawh sût tura rawtna.