Bangladesh-a Zo hnahthlakte tan kan ding zel dawn - MZP

Mizo Zirlai Pawl Gen.Hqrs chuan, Bangladesh-a Mizo hnahthlakte'n Bangladesh sipai leh Arakan Army-te vanga harsatna nasa tak an tâwk chu pawi an tih thu leh an lainat thu an tarlang a, "Zo hnahthlak unau Bangladesh-a harsatna tâwkte tan MZP chu kan ding zel dawn a, a ṭul angin hma kan la zel dawn," an ti.

MZP chuan, Bang-ladesh sorkarin an ram chhunga chêng ve tho, Takam (Chakma) leh Rohingya-te tan harsatna an siam loh lai leh Bangladesh helte an thurualpui theih laia Zo hnahthlakte hnawk an ti leh an nék chêp bik chu thinurthlak an tih thu an tarlang a; "Thil thleng chungchangah Mizoram sorkar pawh a ṭul anga hma la ve nghal tur leh kan unaute harsatna chungchang hi en zui thuai turin kan ngen a ni," tiin Mizoram sorkar an phût.