Hripui vei enkawl lai 15 chiah an awm

November 21, Thawhṭanni khan Mizoramah Covid-19 vei mi pahnih hmuh chhuah a ni. Nimin khan hripui vei enkawl lai mi panga an chhuak a, nimin tlai khan positive enkawl lai mi 15 chiah awmin, Aizawl leh Lunglei district-a mite an ni.

IDSP aṭanga thu dawn danin, November 21-a Covid-19 vei hmuh chhuah mi pahnih chu Lunglei district-a mi ve ve an a; swab sample 103 endik niin, positivity rate 1.94% a ni.

Mizoramah swab sample 19,90,894 endik tawh niin, Covid-19 vei 2,38,942 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,201 (99.69%) chhuahtir an ni tawh a, mi 726 (0.30%) thi tawhin, enkawl mek mi 15 (0.01%) an awm.

Nimin tlai dinhmun angin, Mizorama district pahnihah chiah Covid-19 positive enkawl lai an awm a, district dang zawngah positive an awm lo. Hripui vei enkawl lai awmnate chu - Aizawl district-ah mi 11 leh Lunglei district-ah mi pali an ni.