Ramri vên dan tur ruahman

Lunglei DC V Lalsang­liana hoin nimin khan YMA Sub-Headquarters, Lunglei hruaitute leh 131 BSF hotute an ṭhukhawm a, Covid-19 vanga ramri vèn dan tur an ruahman. Lunglei district-a Mizoram/India leh Bangladesh ramri vèn chungchangah YMA leh BSF-te hi tun hnai lawkah an inhmu thiam lo a ni.

Ramri vèn dan tura ruahmanna

.    Tlabung SDO(C) kaihhruaina hnuaiah YMA leh BSF-te'n ramria YMA duty-na hmun tur an en ang.

.    Ramri hungna (border fencing) bulah duty post siam phal a ni lo.

.    Ramri hungna páwna mite chu hung chhungah luh phal a ni lo a, essential commodity an mamawh chuan an task force-te'n thuneitute hnenah an thlen ang.

.    BSF (60) Bn. ten luh ruk theihna awm culvert-ah duty tam zawk an dah ang.

.    YMA hruaitute'n ramria YMA duty-te an tlawh duh a nih chuan BSF commandant hrilhin, ani'n ruahmanna a siam ang.

.    Thuthar thehdarhtute'n ramri an tlawh duh chuan BSF commandant aṭangin phalna an la ang.

.    YMA hruaitute'n an member duty tur list BSF company commander-ah an hriattir ang.