Vote zawnna atan medical college Hmang lo turin Mizoram sorkar chah

BJP, Mizoram Pradesh chuan, Mizoram sorkar chu mumang ram leh duhthusam rama Mizo mipuite khawsaktir rengah puhin, mipui zahlohna lian takah an ngaih thu an tarlang a; ram hnuk khawih thil medical college chu vote zawnna atana hmang tawh lo turin an chah.

Mizoram BJP chuan, tun dinhmunah chuan medical college hi Mizoramin a la tlin lo a, state-in a tlin rual a ni lo nia sawiin, "BJP chuan central medical college a din ang a, sum mamawh zawng zawng hi Central aṭangin state-ah direct-in a rawn pe dawn a ni. Central medical college din a nih chuan autonomous body, government undertaking a ni ang a, sum mamawh zawng zawng a ṭul ang zela pek a ni ang," an ti.

BJP chuan, Chief Minister hoa Cabinet meeting-in medical college din tuma thawktu tur 628 lak belh tura a pawm ngawt chu hremthiam loin, 'Khawi aṭangin nge hlawh hi pek a nih dawn? Cabinet hian Finance department aṭanga concurrence/acceptance memorandum a nei em?" an ti a; Mizoram sorkar hotute chu zawhna an zawt a ni.