KHAWTHLIR

Governor leh VC
Governor Lt.Gen. Nirbhay Sharma leh Mizoram University vice chancellor thar Prof. Krothapalli Raja Surya Sambasiva Rao-te chu nimin khan Raj Bhavan-ah an inkâwm a, Mizoram University dinhmun leh hmachhawp mek te, MZU tana an hmathlirte an sawi dun.

Mamit district tlawh
Siaha District MJA member parukte chuan Mamit district fang turin nimin zing khan Siaha an chhuahsan a, Siaha IPRO N Vabeiratlua'n a vai liam. Siaha MJA-te hian Mamit district-a sorkar hmalakna leh hmun pawimawhte an tlawh dawn a; Mamit IPRO Paul Rokima'n a hruai kual dawn a ni.

Khelmual tha vangin MFA lawm
Mizoram Football Association chuan thuchhuah siamin, khelmual ṭha siamsaktu Mizoram sorkar chungah lawmthu an sawi. MFA chuan Champhai Zotlanga sports stadium siam thar chief minister Lal Thanhawla'n a hawng chu lawmawm an tih thu an chhuah a, hmun hrang hranga khelmual ṭha siamsaktu Sports minister Zodintluanga chungah lawmthu an sawi bawk a; tun hnaia football hmasawnnate chu khelmual ṭha hrin chhuah nia an ngaih thu an tarlang.

Constitution Day
November 26 kha Constitution Day vawi thumna a ni a, he ni pual hian nimin khan Aizawl leh district khawpui hrang hrangah hman a ni. Kumina Constitution Day hi Pathianniah a tlak avangin sorkar ruahman angin nimin khan hman a ni.

Aijal Club hruaitu
Kum 2017-19 chhunga Aijal Club hruaitu tur thlan thar a ni a, president-ah Lalmalsawma, chief secretary thlan a ni. President bakah hian hruaitu tur mi 14 an thlang chhuak bawk.