Naktukah HSLC 2020 result
Mizoram Board of School Education (MBSE) chuan May 13, Nilaini chawhnu dar 1-ah hian High School Leaving Certificate (HSLC) Examination, 2020 result a tichhuak dawn. Covid-19 vangin MBSE office kawtah result tàr chhuah a ni dawn lo a, MBSE website- www.mbse.edu.in ah en theih a ni dawn. Mamawh zual tan result bu tlem azawng lei theih a ni bawk ang.
HSLC result chungchangah hian naktuk chhun dar 12:30 aṭanga dar 1:30 thleng DDK, Aizawl aṭangin live discussion neih a ni dawn a, DDK channel pangngai bakah, LPS leh ZONET cable TV-a DDK channel aṭangin en theih a ni ang. Doordarshan Aizawl youtube channel-ah en theih a ni dawn bawk.
Result hi Whatsapp hmangin phone no. 9774740110 / 8974738793 / 7005678588 / 9862610947-ahte ngaihven theih a ni dawn a; phone call hmangin 9366552428 / 9612183177 / 7005121359 / 9612568390 / 2390993 / 2390995 / 2390992 / 2347841-ahte ngaihven theih a ni bawk ang.