Faith Worth Believing Tour nei

KTP, Mission Veng Branch, Synod Campus Ministry leh Ravi Za­cha­rias International Ministries (RZIM)-te chuan nimin khan Tui­khuahtlang Kohhran Hall-ah Aizawla KṬP branch hrang hrangte pualin Faith Worth Believing Tour 2017 an buatsaih ṭan a, vawiinah Mission Veng Kohhran Hall-ah chhunzawm a ni ang.

Faith Worth Believing Tour - Christian Apolo­getics Workshop-ah hian resource person pali an awm a; RZIM-a Life Focus Society speaker TejdorTiewsoh leh associate Sam Raju te, Rev. Zoramsanga leh Mission Veng Branch KṬP leader Dr Laldinliana Varte ten thupui an sawi.

Workshop-a tel tur hian Aizawla KṬP branch hrang hrangte sâwm an ni a, mi 100 vel an tel. Resource person-te'n thupui ṭhen hrang hrang an sawi bakah, zawhna leh chhanna hun hman a ni.