State Referral Hospital Din thar leh ropui an ti

Congres party ṭhalai, MPYCC chuan nimin khan an president Dr Lalmalsawma hoin State Referral Hospital an tlawh. Dr Lalmalsawma chuan, "Ram mipui hmangaih leh lainat vanga Pu Lal Thanhawla kaihhruai Congress sorkarin State Referal Hospital a din thar leh hi ropui kan ti," a ti.

Congress ṭhalai hruai­tute hi State Referal Hospital-a thawktute'n an lo dawngsawng a, damdawi-in hmasawnna leh medical college dinna tura hmalakna kal mekte an lo hrilhfiah a ni.

MPYCC President chuan, State Referral Hospital chu MNF sorkar­in tihngaihna an hriat loh leh an hluihlawn tawh hnuah Lal Than­hawla kaihhruai Congress sorkarin an tharthawh a, an tipuitling tih a sawi a, "Hetiang damdawi-in lian tur ram mipuite min din tharsak leh hi a ropui tak zet. Mizoram hmun hrang hrang aṭanga damlote'n an chhawr ṭangkai ta mek hi a lawmawm em em a ni," a ti.