Siaha-ah DIsaster Audit neih a ni

Disater Management and Rehabilitation (DMR) directorate bultumin nimin khan Siaha DC pisa conference room-ah Siaha district-a sorkar department hrang hrangte rîkrum thil a thlen thulha an inbuatsaih lâwk­na dan endikna, Disaster Audit neih a ni.

Audit hi Siaha SDO(S) Lalnunmawii'n a kaihruai a, DMR joint director Zosangliana'n audit neih chhante a sawi. Zosangliana chuan, audit atana sorkar department hrang hrangte hmalakna chu a fakawm a tih thu sawiin, rîkrum thil a thlen pawha a taka hmang ṭangkaitu tur leh mi dang­te zirtirtu an ni thei a ni tih hre reng turin a chah.

Disaster Audit-ah hian DMR district organiser VL Zuithanga'n DM Plan chungchang a sawifiah a; sorkar department-te'n an hmalak dante an sawi bawk. Audit-ah hian Siaha-a department hotute an tel a ni.