HC-in Serchhip Hospital PIL a pawm

Serchhip Joint Action Committee chuan Serchhip District Hospi­tal sak thar tur chung­changah Gauhati High Court-ah public interest litigation (PIL) an thehlut a, PIL chu Gauhati HC chuan November 22, 2022 khan pawmin, PIL no. 15 a ziak lut.

Serchhip aṭanga thu dawn danin, Serchhip JAC-in PIL an thehluh chu nimin khan Gauhati High Court Divisional Bench-ah judge pahnih - Justice Nelson Sailo leh Justice Marli Vankung te hmaah ngaihtuah a ni.

Serchhip Hospital sakna tura Chief Minis­ter hoa May 27, 2022-a Memorandum of Understanding ziahah leh Hospital detailed project report (DPR)-ah damdawi-in chu a hmun ngaia sak tura tih a ni a; chumi tidanglama hmun danga sak tur angin sorkarin official-a hmalakna a la neih loh avangin, a hmun ngaia sak ngei turah Court chuan a ngai tih an sawi a ni.