Mizoramah ZED kalpui ṭan dawn

Ministry of Micro, Small & Medium Enterprises (MSME) hnuaia mi Zero Effec, Zero Deffect (ZED) chu vawiin khan Aijal Club-ah tlangzarh a ni. ZED hi thil siam chhuaktute tana hamṭhatna tur a ni.

ZED tlangzarh a nih rual hian inhrilhfiahna hun hman nghal a ni a, MSME, Aizawla asst. director K Saravannan-in kaihruaiin, thusawi tura ruat Mizoram Industry Owners Association president F Rodingliana chuan, "Hmarchhak state-ah chuan central scheme-te hlawhtlinna chu bank-ah a innghat. Chuvangin, department leh bank-te in thawhho ṭhat a ngai a ni," a ti.

Inkhawma tarlan a nih danin, ZED hi sorkar laipuiin environment nghawng si loa, quality ṭha zawka thil siam chhuak­tute'n an siam chhuah theihna tura a ruahman a ni.

ZED-a inziaklut tur hian criteria hrang hrang a awm a, a inziaklutte chuan hamṭhatna hrang hrang an dawng thei a ni.

A inziaklutte hamṭhat­na ṭhenkhatte chu - a pung hniam zawk leh awlsam zawkin loan an la thei dawn a, rela bungraw phurh manah concession eng emaw zat a awm theih bakah, cash incentive award-te pek ṭhin an ni. India ram hmun dangah chuan kum li kalta khan kalpui ṭan a ni tawh.