Aizawl & Lunglei dist-ah chiah hripui vei

November 22, Thawhlehni khan Mizoramah Covid-19 vei mi pathum hmuh chhuah a ni a, nimin khan hripui vei enkawl lai mi pathum an chhuak. Nimin tlai khan positive enkawl lai mi 15 an awm a, Aizawl leh Lunglei district-a mite an ni.

IDSP aṭanga thu dawn danin, November 22-a Covid-19 vei hmuh chhuah mi pathumte chu Aizawl district-a mi pahnih leh Lunglei district-a mi pakhat an a; swab sample 185 endik niin, positivity rate 1.62% a ni.

Mizoramah swab sample 19,91,079 endik tawh niin, Covid-19 vei 2,38,945 hmuh chhuah a ni tawh a, a pumpuia positivity rate 12% a ni. Nimin tlai dar 3 thlengin mi 2,38,204 (99.69%) chhuahtir an ni tawh a, mi 726 (0.30%) thi tawhin, enkawl mek mi 15 (0.01%) an awm.