MZP-in 7th pay nawr lo turin ngen

MZP chuan thuchhuah siamin, Mizoram sorkar hnathawkte chu 7th Pay nawr lo turin an ngen.

MZP chuan, MPSC hnuaia hna lak hrang hrangah application form man to lutuk chu ṭha lo an tih thu sawiin, application form man tlem zawka siam turin thuneitute a ngen. Mizoram sorkar hnathawkte'n 7th. Pay hman duha nawrhna leh lungawi lohna an lantir chu an hriatthiampui rualin, Mizoram dinhmun leh harsatna ngaihtuahin, tunah chuan Mizoram sorkar hnathawkte 7th. Pay anga hlawh lâktir chu Mizorakin a la zo loa an ngaih thu an sawi a; sorkar hnathawkte chu inbenghniam turin an ngen a ni.

MZP chuan, tun hnaia Zo fate zinga UPSC exam-a tling an awm mumal lo leh service lai an tlem lutuk chu an vei thu sawiin, "UPSC-ah Zo fate tam zawk kan tlin theih dan tur leh UPSC coaching class kal mi bikte ṭanpui dan tur leh hma lakpui dan tur kan rel a, tun hnaia UPSC-a Zo fate kan tlin theih loh chhan chhuia zir chiang turin study group din a ni," an ti.