Chak zawka hnathawh dan tur sawiho
Nimin khan Lunglei DC mawhphurhna la mektu Benjamin Lalzama hoin a pisa-ah Pukpui aṭanga Tlawng kawng siam hnathawh mek, chak zawk leh ṭha zawka siam dan tur sawiho a ni.
Pukpui atanga Tlawng kawng hi nimin aṭang khan PWD-te'n thawktu 50 hmangin bitumin alkatra luan hna an thawk ṭan a ni. Fur laia kawngpui chiahzawp reng thin na hmun chu rigid pavement phase khatna metres 740 chu contractor-in kawngpui vang lam metres 3 chu boulder phah hnu ah inches 8 a chhahin cement concrete a siam a tum a ni.
He kawngpui siam chhung a mipui ten harsatna an tawh loh nan motor tlan theih dan tur PWD-in survey nei in DC ah report thehlut tur a tih a ni. Meeting-ah hian PWD, Lunglei SP, IPR dept., YMA leh MJA aiawhte an tel.