Vangpui Fehchhuah chhunzawm

MNF party ṭhalai, MNYF-te chuan nimin khan 'Vangpui Fehchhuah' beihpui thlak chhunzawmin, Hlimen leh Kulikawnah Mobile Street Campaign an buatsaih a; MNF MLA pahnih K Sangṭhuama leh Lalrinawma ten thu an sawi.

Hlimena thu sawitu K Sangṭhuama chuan, "Kan sawrkar hotute'n 'Corruption-ah min sawina tur an hre lo' an ti a, a páwng a takin tumah hi i corrupt e va tih kan duh lo a, sawi tur erawh an tam hle. Hetianga min cho min cho chuan a chînchhuakin kan la sawi ang," a ti.

Kulikawna thu sawitu Lalrinawma chuan, kum tin graduate leh master degree nei tam tak an chhuah avangin man power lamah nasa zawka hmalak a ngai tih a sawi a, "MNF kan sorkar chuan kan SEDP-in a sawi angin manpower department din kan tum a ni," a ti.